[Greinin birtist upphaflega á vefmiðlinum Visir.is þann 29. maí 2024.]
Í ljósi þess að nú standa fyrir dyrum forsetakosningar er brýnt að hugsa aðeins nánar um embættið og hvers konar einstakling heppilegast sé að velja í það. Fleiri en nokkru sinni áður bjóða sig nú fram til að gegna þessu æðsta embætti þjóðarinnar, en landsmenn þurfa að velja nú strax á laugardaginn.
[ Bessastaðir. Ljósmynd fengin af wikimedia commons, tekin 2006. Ljósmyndari Guðlaug Helga Konráðsdóttir. ]
Lesa meira[Þessi grein birtist fyrst á vefmiðlinum Visi.is þann 27. maí 2024 í aðdraganda forsetakosninga. *)]
Katrínu Jakobsdóttur þekki ég ekkert persónulega en ég þekki þó systkini hennar og af góðu einu. Katrínu þekki ég eingöngu af framgöngu hennar á opinberum vettvangi. Ég tók fyrst eftir henni, þegar hún var stigavörður í Gettu betur. Þar birtist hún sem glettin, glaðleg og vel gerð ung manneskja. Þarna kynntist þjóðin henni fyrst. Seinna settist hún á þing fyrir Vinstri græna, það var árið 2007, þegar gríðarleg sveifla var í íslensku þjóðlífi.
[Katrín Jakobsdóttir, forsetaframbjóðandi. Ljósmynd fengin frá kosningastjórn hennar og birt með leyfi.]
Lesa meiraBorgarstjóri kom með óvænta og furðulega yfirlýsingu í kvöldfréttum útvarps í gærkvöldi. Samkvæmt fréttinni er tilgangurinn með því að leggja borgarskjalasafn niður og fela verkefnin í hendur Þjóðskjalasafns sá að spara fé. Borgarstjóri sagði svo að rekstur “algerlega sjálfstæðs” borgarskjalasafns myndi kosta um 7,5 til 7,9 milljarða samtals á næstu sjö árum. Borgarstjóri getur ekki átt við annað en að rekstur safnsins í óbreyttri mynd muni kosta þetta.
Lesa meira[Hér er annar póstur minn um tillögu borgarstjóra á 5696 fundi hennar þann 16. febrúar um að leggja borgarskjalasafn niður og fela verkefni hennar í hendur Þjóðskjalasafns. Rökstuðningur fyrir tillögunni er að svo stöddu trúnaðarmál, sbr. fundargerð borgarráðs: https://reykjavik.is/fundargerdir/borgarrad-fundur-nr-5696 ]
Í fréttum í gær kom fram að borgarstjóri hefur fundið leið til að spara í rekstri borgarinnar. Leiðin er sú að leggja niður Borgarskjalasafn og senda gögnin sem Borgarskjalasafn varðveitir beinustu leið upp í Þjóðskjalasafn. Væntanlega muni borgin svo greiða svolítið framlag til Þjóðskjalasafns á hverju ári í framtíðinni.
Lesa meira[Í fréttum RÚV 17. febrúar 2023 kom fram að borgarstjóri hefði lagt fyrir borgarráð tillögu um að leggja borgarskjalasafn niður. Ég skrifaði þá eftirfarandi færslu á facebook. Tillaga borgarstjórans var merkt sem trúnaðarmál í fundargerð borgarráðs, sjá: https://reykjavik.is/fundargerdir/borgarrad-fundur-nr-5696 ]
Ég tjáði mig eitthvað aðeins um borgarstjórn hér í gær, og kunni ekki við að vera of neikvæður. Svo ég skrifaði í lok færslunnar: “Margt er samt vel gert í Reykjavík, þó að skipulagsslysin stingi í augu.” En kannski er færra vel gert en maður vill halda. Það voru fréttir af því í gær að borgarstjóri vildi nú leggja niður skjalasafn borgarinnar og fela gögnin í umsjón ríkisskjalasafnsins okkar, Þjóðskjalasafns. Síðan komu fréttir sem berast aðeins af tiltækjum allra aulalegustu stjórnenda: Borgarskjalavörður hafði aldrei heyrt af þessum áformum! Þvílík borgarstjórn! Þvílíkir stjórnendur! Ég man að borgarstjóri hafði oft skemmtilegt orðatiltæki á vörunum, sem hann gæti verið sjálfur höfundur að, um að að sjálfsögðu væru allir verkferlar “faglegir, nútímalegir og lýðræðislegir”. Ég hef ekki heyrt hann taka svona til orða lengi, en ég hlusta svo sem ekki mikið eftir ræðuhöldum úr borgarstjórn. En á hinn bóginn hef ég tiltölulega nýlega lært að meta góð skjalasöfn, einkum Þjóðskjalasafnið. Allar hugmyndir um að flytja svona söfn eru mjög háskalegar. Það er gríðarlega dýrt að flytja skjalasöfn og fjármögnun til slíkra verka verður að vera alveg klár fyrirfram. Það er hreint ábyrgðarleysi af borgarstjórn að ætla að fleygja borgarskjalasafninu í fangið á Þjóðskjalasafni, sem á nóg með sitt.
~ ~ ~
