Undanfarið hef ég notið aðstoðar Kolbrúnar Karlsdóttur vefhönnuðar við að koma mér upp eigin vefsetri. Tilgangurinn er að koma á einn stað ýmislegu sem ég hef skrifað um ævina og birt eða kynnt með öðrum hætti. En líka til að hafa vettvang til að birta ýmislegt efni sem kannski á ekki erindi á víðlesna fréttamiðla eins og dagblöðin eða fréttamiðilinn Stundina, en getur þó átt eitthvert erindi til ýmissa lesenda sem vilja lesa það sem ég skrifa.
[Þessa færslu skrifaði ég sem stöðufærslu á facebooksíðu mína fimmtudagskvöldið 5. ágúst 2021.]
Tæplega 60 þúsund börn eru 16 ára eða yngri í landinu. Þau eru langflest óbólusett. Þá eru rúmlega 26 þúsund manns í landinu sem eru eldri en 16 ára og óbólusett. Samtals er þetta um 86 þúsund manns sem geta farið illa út úr kóvid. Talað er um að sjúkdómurinn virki vægar á börn, en þetta er ekki vitað til fulls.
Lesa meira[Þessi grein birtist áður á bloggsíðu minni á fréttamiðlinum Stundinni þann 21. júlí 2021. Hún birtist þar svona. Ég setti hana hér inn þremur dögum síðar, þann 24. júlí.]
Nú er hafin fjórða bylgja covid 19 farsóttarinnar miklu, sem fyrst varð vart hér á landi þann 28. febrúar í fyrra. Sagt er að nýtt afbrigði veirunnar, sem bólusetningar virka ekki mjög vel gegn, svonefnt Delta afbrigði, sé það afbrigði sem smitar tugi manns daglega þessa dagana. Veiran berst um landamærin, en greinist nú úti um allt land í fjölmörgu og sífellt fleira bólusettu, en smituðu fólki sem að vísu virðist ekki allt veikjast jafn mikið og áður var.
Lesa meira[Þessi grein birtist áður á bloggsíðu minni á fréttamiðlinum Stundinni þann 20. apríl 2021. Hún birtist þar svona.]
Í dag rann upp sá langþráði dagur að ég fékk bólusetningu. Ég fékk boðun nú fyrir helgi, með strikamerki, tímasetningu og leiðbeiningum. Ég átti að mæta kl. hálf fjögur í dag og koma um inngang A í Laugardalshöllinni og fá þar bóluefni frá Pfizer lyfjafyrirtækinu.
Lesa meira[Þessi áskorun eða hugvekja birtist áður á bloggsíðu minni á fréttamiðlinum Stundinni þann 11. apríl 2021. Hún birtist þar svona.]
Nú þarf að breyta sóttvarnarlögum hið bráðasta. Herða á sóttvörnum á landamærum landsins. Þegar sóttvarnir á landamærum hafa verið hertar og allir sem hingað koma þurfa að dvelja nógu lengi á sóttkvíarhótelum til þess að smithætta verði hverfandi, kemst lífið í landinu í eðlilegt horf. Vissulega með færra ferðafólki. En dvöl í fáeina daga á tilbreytingarlitlu hótelherbergi verður þá aðgangsmiði að heilbrigðu og líflegu samfélagi utan hótelveggjanna.
Hver getur efast um að það sé þess virði?
